ஸ்ரீ கோபால பட்ட கோஸ்வாமி ( வேன்கட பட்டாவின் மகன், ஸ்ரீ வைஷ்ணவ பிராமணர்) தென்னிந்தியாவின் ஸ்ரீ ரங்கத்தில் தோன்றினார். ஸ்ரீ சைதன்யா மஹாபிரபு வேன்கட பட்டாவின் வீட்டில் நான்கு மாதங்கள் தங்கியிருந்து, குடும்பத்தை கெளடிய வைணவத்திற்கு மாற்றினார். இந்த நேரத்தில் சிறு பாலகனாக கோபால தனிப்பட்ட முறையில் ஸ்ரீ சைதன்ய மஹாபிரபுவுக்கு சேவை செய்தார். ஸ்ரீ சைதன்யர் அவரின் எச்சங்களையும் ஆசீர்வாதங்களையும் அன்பாகக் கொடுத்து அவரை ஆச்சார்யாவாக மாற்றினார்.
நான்கு மாதத்தில், சைதன்யா மஹாபிரபு வேன்கட பட்டாவுடன் நெருங்கிய நட்பை வளர்த்துக் கொண்டார், இதை கிருஷ்ணா தாஸ கவிராஜர் “ஷக்ய ரஸா” என்று விவரிக்கிறார். ஒருவருக்கொருவர் சுதந்திரமாக உரையாடுகையில், அவர்கள் பெரும்பாலும் ஒன்றாக சிரிப்பார்கள், கேலி செய்வார்கள். ஒரு நாள் நகைச்சுவையான மனநிலையில் ஸ்ரீ சைதன்ய மஹாபிரபு வேன்கடாவிடம் கேட்டார்:
“உங்கள் வணக்கத்திற்குரிய தெய்வம், ஸ்ரீ லட்சுமிதேவி, வைகுந்தத்தின் மகிழ்ச்சியையும், அவளது நாயகர் நாராயணருக்கு அவர் செய்த சேவையையும் ஏன் கைவிடுகிறார்? அவள் ஏன் பிருந்தாவனத்திற்குச் சென்று கடுமையான தவம் செய்கிறாள்? “
“இந்த மர்மங்களை என்னால் புரிந்து கொள்ள முடியவில்லை, ஆனால் நீங்கள் முழுமுதற் கடவுள் என்பதால் நிச்சயமாக எனக்கு அறிவொளி அளிக்க முடியும்” என்று வேன்கட பட்டா கூறினார்.
“கிருஷ்ணருக்கு ஒரு தனித்துவமான குணம் உள்ளது,” என்று ஸ்ரீ சைதன்ய மஹாபிரபு கூறினார்,
“அவர் தனது தனிப்பட்ட அன்பால் (மாதூர்ய) அனைவரின் இதயங்களையும் ஈர்க்கிறார். பகவான் நாராயணர் அறுபது ஆழ்நிலை குணங்களை மட்டுமே கொண்டிருக்கிறார், ஆனால் ஸ்ரீ கிருஷ்ணருக்கு அறுபத்து நான்கு குணங்கள் உள்ளன. மேலும் அவை அனைத்தும் மாதூரிய ரஸத்தில் தனித்துவமானது. முழுமுதற் கடவுள் ஸ்ரீ கிருஷ்ணர், லட்சுமிதேவியின் மனதை ஈர்க்கிறார்.ஆனால் பகவான் நாராயணர் ஒருபோதும் வ்ரஜ (விருந்தாவன) கோபிகளின் மனதை ஈர்க்க முடியாது. ஒரு முறை “வ்ரஜ லீலாவில், கிருஷ்ணர், நாராயணர் வேடமிட்டு, கிருஷ்ணரைத் தேடும் கோபிகளின் முன் தோன்றினார். பகவான் நாராயணரை பார்த்த கோபிகள், ஓ ! பகவான் நாராயணா !, உங்களுக்கு நமஸ்காரங்கள். கிருஷ்ணர் எங்கே சென்றார், பார்த்தீர்களா?’ கிருஷ்ணர் முழுமுதற் கடவுள் என்ற விழிப்புணர்வு இல்லாமல் தன்னிச்சையாக நேசிக்கும் கோபிகளை பின்பற்றுவதன் மூலம் ஒருவர் கிருஷ்ணரை அடைய முடியும். ஸ்ருதிகள் (வேதம்) கோபிகளின் பரவசத்தில் கிருஷ்ணரை வணங்கினர். அவர்களின் அடிச்சுவடுகளைப் பின்பற்றியதால் ராஸ நடனத்தில் கிருஷ்ணருடன் சேர கோபியின் உடல்களைப் பெற்றனர். லட்சுமி தேவியும் கிருஷ்ணரை ரசிக்க விரும்பினார், ஆனால் அவரது ஆன்மீக வடிவத்தை லட்சுமிதேவி என்றும் தக்க வைத்துக் கொள்ள விரும்பினார். கோபிகளின் அடிச்சுவடுகளைப் பின்பற்றாமல் யாரும் கிருஷ்ணரை அடைய முடியாது. “
ஸ்ரீ பிரபோதானந்த சரஸ்வதியிடமிருந்து தீட்சை பெற்ற பிறகு, கோபால பட்டா பிருந்தாவனத்திற்கு வந்து ஸ்ரீ ரூபா மற்றும் சனாதன கோஸ்வாமிகளின் அன்பான நண்பரானார். அவர் நாற்பத்தைந்து ஆண்டுகள் பிருந்தாவனத்தில் ராதா-குண்டாவில் பஜனம் செய்தார்.
புனித யாத்திரையின் பொழுது அவர் பன்னிரண்டு ஷாலக்ரம ஷிலாக்களைப் பெற்றார். பின்னர் தாமோதர ஷிலா தன்னை அழகிய ராதா ரமண பகவானாக வெளிப்படுத்தினார். 1542 முதல், துல்லியமான சாஸ்திர சடங்குகளைத் தொடர்ந்து ராதா ராமனாஜி தூய பக்தியுடன் வணங்கப்படுகிறார்.
போலி அன்பான (சாஸ்த்திரதிர்க்கு புறம்பான) ரஸங்கள் பரவுவதையும், வைதி பக்திக்கு அலட்சியம் காட்டுவதையும் சரிபார்க்க ஒரு புத்தகம் எழுதும்படி கோபால பட்டாவுக்கு ஸ்ரீ சைதன்ய மஹபிரபு உத்தரவிட்டார். ஸ்ரீ சனாதன கோஸ்வாமியுடன் உறுதிப்படுத்திய அவர், கெளடிய வைஷ்ணவ சம்பிரதாயத்தின் சடங்கு மற்றும் பக்தி நடைமுறைகளை விளக்கும் அங்கீகரிக்கப்பட்ட புத்தகமான ஹரி-பக்தி-விலாசாவைத் தொகுத்தார்.
அவர் சத்-கிரியா-தீபிகா மற்றும் ஸ்ரீ ஜீவா கோஸ்வாமியின் சத் சந்தர்பாஸின் அவுட்லைன் (மேலோட்டம்) ஆகியவற்றை எழுதினார். அவர் ஸ்ரீமதி ராதாராணியின் அஸ்தா மஞ்சரிகளில் ஒருவரான குண-மஞ்சரியாக சேவை செய்கிறார். அவரது சமாதி ஸ்ரீ ராதா ரமன ஜி தோன்றிய இடத்திற்கு பின்னால் உள்ள கோயில் வளாகத்திற்குள் உள்ளது. ஸ்ரீ கோபால பட்டா கோஸ்வாமி ராதா ரமன ஜிக்கு தனது வாழ்நாள் முழுவதும் சேவை செய்த பிரம்மச்சாரியான கோபிநாதவுக்கு (பூஜாரி கோஸ்வாமி) தீக்ஷ்சை கொடுத்தார். கோபால பட்ட கோஸ்வாமி சீனிவாச ஆச்சார்யா மற்றும் பல முக்கிய வைணவர்களுக்கு தீக்ஷ்ச கொடுத்தார்.
ஸ்ரீ கோபால பட்ட கோஸ்வாமி ஸ்ரீரங்கத்தில் வசித்தவரான வேங்கட பட்டரின் மகனாவார். கோபால பட்டர் முன்பு இராமானுஜ ஸம்பிரதாயத்தின் சீடப் பரம்பரையைச் சார்ந்திருந்தார், ஆனால் பின்னர் கௌடீய ஸம்பிரதாயத்தின் அங்கமானார். 1433 சகாப்த ஆண்டில் (கி.பி. 1511), சைதன்ய மஹாபிரபு தென்னிந்தியாவில் சுற்றுப்பயணம் மேற்கொண்டபோது, சாதுர்மாஸ்ய காலத்தின் நான்கு மாதங்களில் வேங்கட பட்டரின் இல்லத்தில் தங்கினார். அச்சமயத்தில் வேங்கட பட்டர் பூரண மனநிறைவை அடையும் வரை மஹாபிரபுவிற்கு சேவை செய்யும் வாய்ப்பினைப் பெற்றார். அப்போது மஹாபிரபுவிற்குத் தொண்டு புரியும் வாய்ப்பினை கோபால பட்டரும் பெற்றார்.
காலப்போக்கில் ஸ்ரீ கோபால பட்ட கோஸ்வாமி தமது சித்தப்பாவும் மாபெரும் சத்தியாசியுமான பிரபோதானந்த சரஸ்வதியினால் தீக்ஷைஷயளிக்கப்பட்டார். கோபால பட்ட கோஸ்வாமியின் தாய்தந்தை இருவருமே மிகவும் அதிர்ஷ்டசாலிகள், அவர்கள் தங்களது முழு வாழ்வையும் ஸ்ரீ சைதன்ய மஹாபிரபுவின் சேவையில் அர்ப்பணித்தனர். அவர்கள் கோபால பட்ட கோஸ்வாமியை விருந்தாவனத்திற்குச் செல்ல அனுமதித்தனர், ஸ்ரீ சைதன்ய மஹாபிரபுவை நினைத்தபடியே அவர்கள் தங்களது உயிரைத் துறந்தனர். கோபால பட்ட கோஸ்வாமி விருந்தாவனத்திற்குச் சென்று, ஸ்ரீ ரூபரையும் ஸநாதன கோஸ்வாமியையும் சந்தித்த செய்தியானது சைதன்ய மஹாபிரபுவிற்குத் தெரிவிக்கப்பட்டபோது அவர் மிகவும் திருப்தியுற்றார், கோபால பட்ட கோஸ்வாமியை தங்களது இளைய சகோதரராக ஏற்று அவரை கவனித்துக்கொள்ளுமாறு சைதன்ய மஹாபிரபு ஸ்ரீ ரூபரிடமும் ஸநாதனரிடமும் அறிவுறுத்தினார். கோபால பட்ட கோஸ்வாமியின் மீதான பெரும் பாசத்தினால், ஸ்ரீ ஸநாதன கோஸ்வாமி தாம் இயற்றிய ஹரி – பக்தி – விலாஸம் எனப்படும் வைஷ்ணவ ஸ்மிருதியினை அவரது பெயரில் பிரசுரித்தார். ஸ்ரீல ரூபர் மற்றும் ஸநாதனரின் உபதேசத்தின்படி, கோபால பட்ட கோஸ்வாமி விருந்தாவனத்தின் ஏழு முக்கிய விக்ரஹங்களில் ஒருவரான ராதாரமண விக்ரஹத்தினை பிரதிஷ்டை செய்தார். ராதாரமண கோயிலின் சேவாதாரர்கள் ( பூஜாரிகள் ) கௌடீய ஸம்பிரதாயத்தைச் சார்ந்தவர்கள்.
– ஸ்ரீ சைதன்ய சரிதாம்ருதம்