நவத்விப்பில் வசிக்கும் அனைத்து வைணவர்களிலும் முதன்மையானவர் ஸ்ரீ அத்வைத ஆச்சார்யா. அறிவு,துறவு , பக்தி உள்ளிட்ட அனைத்து பக்தி குணங்களையும் உள்ளடக்கியவராக இருந்தார். கிருஷ்ண பக்தியை விளக்குவதில் அவர் சங்கரா (சிவன்) போலவே இருந்தார், மேலும் மூன்று உலகங்களிலும் உள்ள வேத தத்துவங்களை கிருஷ்ண பக்தி மூலம் விளக்குவார்.
தீவிர அன்புடன் அவர் துளசி மஞ்சரிகள் மற்றும் கங்கை நீருடன் ஸ்ரீ கிருஷ்ணரின் ஷாலகிராமை தொடர்ந்து வணங்கினார். அவரது ஆன்மீக சக்தியின் வேகத்தால், அவரது உரத்த கூச்சல்கள் இந்த பிரபஞ்சத்தின் உறைகளைத் துளைத்து, வைகுந்தா முழுவதும் எழும்பி, ஸ்ரீ கிருஷ்ணாவின் காதுகளை அடைந்தது. பக்தியுடன் நிறைவேற்றிய அன்பான வேண்டுகோளைக் கேட்டு, ஸ்ரீ கிருஷ்ணர் ஸ்ரீ சைதன்யராக அவதரித்தார்.
மாசி மாதத்தின் பிரகாசமான பதினைந்து நாட்களின் ஏழாம் நாளில் வரும் சந்திரன் போல ஸ்ரீ அத்வைத ஆச்சாரியர் , ஸ்ரீ நபதேவிக்கும், ஸ்ரீ குவேர பண்டிதருக்கும் மகனாகப் தோன்றினார். இன் நன் நாளில் குவேர பண்டிதர் பிராமணர்களுக் பரிசுப் பொருட்களை தானமாக வழங்கினார். மிகவும் அமைதியாக அவர் தனது பிறந்த மகனைப் பார்க்க மகப்பேறு அறையை அணுகினார். பின்னர் அந்த சந்திரன் போன்ற ஆளுமையின் பிரதிபலித்த ஒளியால் அவரது சொந்த முகம் பிரகாசிக்கத் தொடங்கியது. நபகிராமில் வசிப்பவர்கள் குழந்தையைப் பார்க்க ஓடி வந்தனர். எல்லோரும் இவ்வளவு அழகான குழந்தையைப் பார்த்ததில்லை என்று குறிப்பிட்டனர். அற்புதமான இந்த குழந்தையை பெறுவதற்கு அவரது தந்தை என்ன ஒரு புனிதமான செயல்களைச் செய்திருக்க வேண்டும். இவ்வாறு கானஸ்யாமா இந்த நிகழ்வுகளைப் பற்றி [B.R.12.1759] பாடுகிறார். குழந்தைக்கு மங்கல் என்றும் அவரது மற்றொரு பெயர் கமலட்சா என்றும் பெயரிடப்பட்டது.
அத்வைத ஆச்சார்யா என்பது மகா விஷ்ணு மற்றும் சதாசிவன் (கோலோகாவில் வசிக்கும்) ஆகியோரின் ஒருங்கிணைந்த அவதாரம். அவரது இரண்டு மனைவிகளான சீதா மற்றும் ஸ்ரீ, யோகா மாயாவின் வெளிப்பாடுகள். ஒருமுறை அத்வைதர் வழிபாடு செய்தகொண்டிருந்த பொழுது அனைத்து தேவர்களும் ஸ்ரீ சைதன்ய மஹாபிரபுவின் தாமரைப்பாதங்களை வழிபாடு செய்து கொண்டிருந்தனர்.
இதனைக் கண்ட அத்வைதர் தனது இரு கைகளையும் உயர்த்தி மிகுந்த பரவசத்தில், கூச்சலிட்டு, “இன்று என் வாழ்க்கையின் எல்லா நாட்களும் ஒரு வெற்றிகரமான முடிவைத் தந்திருக்கின்றன, என் ஆசைகள் அனைத்தும் நிறைவேறியுள்ளன. என் பிறப்பும் செயல்களும் இறுதியாக பலனளித்தன. உங்கள் இரண்டு தாமரைப் பாதங்களை நான் நேரடியாக தரிசித்தேன், இவை நான்கு வேதங்கள் முழுவதும் பிரகடனப்படுத்தப்படுகின்றன, ஆனால் அதன் மூலம் அடையமுடியாது. இப்போது, உங்கள் காரணமில்லாத கருணையால், நீங்கள் எனக்கு வெளிப்படுத்தியுள்ளீர்கள்.
“மஹாப்பிரபு கூறினார்,” ஆச்சார்யா, இப்போது நீங்கள் என் வழிபாட்டைச் செய்ய வேண்டும் “என்று பதிலளித்தார். முதலில் அத்வைத ஆச்சார்யா பகவானின் இரண்டு தாமரைப்பாதங்களை மலர் இதழ்களாலும் நறுமணமுள்ள நீரிலும், பின்னர் சந்தன வாசனை திரவிய நீரிலும் அபிஷேகம் செய்தார். பின்னர் அவர் பகவானின் தாமரைப் பாதங்களை சந்தனத்தில் நனைத்த துளசி மஞ்சரியுடன் சமர்ப்பித்தார்- பிறகு அரிசி, தர்பைப்புல், தயிர் போன்றவற்றின் பகவானுக்கு நிவேதனம் செய்தார்.
அவரது கண்கள் கண்ணீர் ததும்ப, தூபங்கள், நெய் விளக்குகள், பூக்கள், சந்தனம் மற்றும் சில உணவுப்பொருட்களை பகவானுக்கு அர்பனித்தார்.
பல்வேறு பிரார்த்தனைகளைச் செய்தபின், பகவானின் மகிமைகளை உரத்த குரலில் பாடினார். பிரபஞ்சத்தைப் பராமரிப்பவரும்,எல்லா உயிர்வாழிகளுக்கும் இறைவனான அவருக்கே எல்லா புகழும் உரித்தாகுக, அற்புதமான அவதாரத்திற்கு எல்லா மகிமைகளும், கருணையின் பெருங்கடலான ஸ்ரீ கிருஷ்ண சைதன்ய மஹாபிரபுவிர்கு எல்லா புகழும் உரித்தாகுக ஸ்ரீ வட்ஷம் மற்றும் கவுஸ்துப ஆபரணங்களால் அலங்கரிக்கப்பட்டவருக்கு எல்லா மகிமைகளும். ஹரே கிருஷ்ண மஹாமந்திரத்தை வெளிப்படுத்தியவருக்கு எல்லா மகிமைகளும். பக்தியை ஏற்றுக்கொள்வதற்கான லீலைகளை அனுபவிப்பவருக்கு எல்லா மகிமைகளும். அனந்தா ஷேசாவின் படுக்கையில் சாய்ந்திருக்கும் மகாபிரபுவுக்கு எல்லா மகிமைகளும். அனைத்து உயிரினங்களின் அடைக்கலத்திற்கு, அனைத்து மகிமைகளும் உரித்தாகுக. [சைதன்ய பாகவதம் மத்ய லீலா. 6.116]
அத்வைதரின் பிரார்தனைக்கு மகாபிரபு, “என் அன்பான ஆச்சார்யா, உங்கள் பிரார்த்தனைகளால் நான் மிகவும் மகிழ்ச்சியடைகிறேன். இப்போது நீங்கள் விரும்பும் எந்தவொரு வரத்தையும் என்னிடம் கேட்கலாம்” என்று பதிலளித்தார். பின்னர் அத்வைதர், “எனது ஒரே வேண்டுகோள் என்னவென்றால், நீங்கள் பெண்கள், தொழிலாளர்கள் மற்றும் அறிவற்ற முட்டாள்களுக்கும் கூட கிருஷ்ணரின் அன்பை விநியோகிக்க வேண்டும். [சைதன்ய பாகவதம் மத்ய லீலா. 6.167]
அத்வைத ஆச்சார்யா வழிபட்ட ஸ்ரீ ஸ்ரீ மதன்-கோபாலின் படத்திற்குப் பின்னால் ஒரு நர்சிம்ஹா சிலா மற்றும் விக்ரஹங்கள் இன்னும் சாந்திபூரில் மதன்-கோபால் பாராவில் உள்ளது. சாந்திபூர் கிருஷ்ணாநகரிலிருந்து சிறிது தொலைவில் உள்ளது. கங்கைக் கரையில் அத்வைத ஆச்சார்யார் ஷாலகிராம்மிடம் வழிபட்டு, தயவுசெய்து இந்த உலகிற்கு அவதரிக்குமாறு பகவானிடம் பிரார்த்தனை செய்த இடம் இன்று பாப்லா என்று அழைக்கப்படுகிறது. அத்வைத ஆச்சார்யாவின் லீலைகளின் நினைவாக அங்கு ஒரு கோயில் கட்டப்பட்டுள்ளது. அந்த இடத்தை சாந்திபூரிலிருந்து ரிக்ஷா மூலம் அடையலாம்.
ஶ்ரீல அத்வைத ஆச்சாரியரின் அவதார தினம்
🍁🍁🍁🍁🍁🍁🍁🍁🍁🍁🍁🍁🍁
மஹா விஷ்ணுர் ஜகத் கர்தா மாயயா ய: ஸ்ருஜத்யத :
தஸ்யாவதார ஏவாயம் அத்வைதாசார்ய ஈஷ்வர:
பௌதிக பிரபஞ்சத்தை மாயையின் மூலமாக படைப்பதைத் தனது முக்கிய பணியாக் கொண்டுள்ள மகா விஷ்ணுவின் அவதாரமே பகவான் அத்வைத ஆச்சாரியார்.
அத்வைதம் ஹரிணாத் வைதாத் ஆசார்யம் பக்தி ஷம்ஸனாத்
பக்தாவதாரம் ஈஷம் தம் அத்வைதாசார்யம் ஆஷ்ரயே
அவர் முழுமுதற் கடவுள் ஹரியிடம்மிருந்து வேறுபடாதவர் என்பதால் அத்வைதர் என்றும், பக்தித் தொண்டை பரப்புபவர் என்பதால் ஆச்சாரியர் என்றும் அழைக்கப்படுகிறார். அவர் முழுமுதற் கடவுளும் பக்த அவதாரமும்மாவார் எனவே நான் அவரிடம் தஞ்சமடைகிறேன்
அத்வைதரின் தோற்றம்
🌼🌼🌼🌼🌼🌼🌼🌼🌼🌼
அத்வைத ஆச்சாரியர் 1434ஆம் ஆண்டில், தற்போதைய வங்கதேசத்தின் சில்லட் நகரத்திற்கு அருகிலுள்ள நவகிராமத்தில், ஸ்ரீ குபேர பண்டிதருக்கும் ஸ்ரீமதி நாபதேவிக்கும் தெய்வீக மகனாகத் தோன்றினார். இந்திய எல்லையிலிருந்து 5 கி.மீ. தொலைவிலுள்ள அத்வைத ஆச்சாரியரின் பிறப்பிடத்தில் சிறு கோயில் எழுப்பப்பட்டுள்ளது, அது தற்போது இஸ்கான் இயக்கத்தால் பராமரிக்கப்பட்டு வருகிறது,
குறுகிய காலத்தில் அத்வைத ஆச்சாரியர் கங்கைக் கரையோரத்தில் இருக்கும் சாந்திபுரத்திற்குக் குடிபெயர்ந்தார். நவத்வீபத்தில் இருக்கும் ஸ்ரீவாஸ தாகூரின் இல்லத்திற்கு அருகில் மற்றோர் இல்லத்தை அவர் ஏற்படுத்திக் கொண்டபோதிலும், அத்வைத ஆச்சாரியர் பெரும்பாலும் சாந்திபுரத்திலேயே வசித்தார். அவர் இவ்வுலகில் 125 ஆண்டுகளுக்கு தனது திவ்ய லீலைகளை அரங்கேற்றினார்.
சைதன்ய மஹாபிரபு தோன்றுவதற்கு 52 ஆண்டுகளுக்கு முன்பே தோன்றிய அத்வைத ஆச்சாரியர் தனது எஜமானரான சைதன்ய மஹாபிரபுவின் மறைவிற்குப் பிறகும் 25 ஆண்டுகள் திவ்ய லீலைகளில் ஈடுபட்டிருந்தார்.
அத்வைத ஆச்சாரியரின் வம்சம்
🌼🌼🌼🌼🌼🌼🌼🌼🌼🌼
அத்வைத ஆச்சாரியருக்கு இரண்டு துணைவிகள்: சீதா தாகூராணி மற்றும் ஸ்ரீதேவி. சீதா தாகூராணிக்கு அச்சுதானந்தர், கிருஷ்ண தாஸர், கோபாலர், பலராமர், ஸ்வரூபர், ஜகதீஷ மிஸ்ரர் என ஆறு மகன்கள் பிறந்தனர்; ஸ்ரீதேவிக்கு சியாம தாஸர் என்ற ஒரு மகன் பிறந்தார். இவர்களில் அச்சுதானந்தர், கிருஷ்ண தாஸர், கோபாலர் ஆகிய மூவரும் சைதன்ய மஹாபிரபுவின் மீது மிகுந்த பற்றுதல் கொண்டவர்கள்.
மாதவேந்திர புரியிடம் தீக்ஷை பெறுதல்
🌼🌼🌼🌼🌼🌼🌼🌼🌼🌼
கௌடீய வைஷ்ணவ சம்பிரதாயத்தில் மாதவேந்திர புரியே கிருஷ்ண பிரேமையின் பொக்கிஷக் கிடங்காக கருதப்படுகிறார். கிருஷ்ண பக்தி என்னும் மரத்திற்கு அவரே மூல விதையாகத் திகழ்பவர். மாதவேந்திர புரி விருந்தாவனத்தில் இருக்கும் கோவர்தன மலையின் அடிவாரத்தில் வசித்தபோது, அவரால் அங்கு வழிபடப்பட்ட கோபால விக்ரஹம் அவரது கனவில் தோன்றி தனது திருமேனியில் சந்தனத்தை பூசுமாறு உத்தரவிட்டார். அதனை நிறைவேற்றும் பொருட்டு அவர் ஜகந்நாத புரியை நோக்கி பயணமானார்.
அப்பயணத்தின்போது, மாதவேந்திர புரி சில நாள்கள் சாந்திபுரத்தில் தங்க நேர்ந்தது. அத்வைத ஆச்சாரியரும் மாதவேந்திர புரியும் கிருஷ்ணரின் திவ்ய லீலைகளை பற்றி விவாதித்தனர். மாதவேந்திர புரியிடம் காணப்பட்ட பக்தி பரவசத்தைக் கண்ட அத்வைத ஆச்சாரியர் அவரின் காலில் விழுந்து வணங்கி, அவரை தனது குருவாக ஏற்று, அவரிடமிருந்து தீக்ஷையும் பெற்றுக் கொண்டார். அத்வைத ஆச்சாரியர் பரம புருஷ பகவானின் விரிவங்கமாக இருந்தபோதிலும், உலக மக்களுக்கு ஆன்மீக குருவை ஏற்பதன் அவசியத்தை வலியுறுத்துவதற்காக, சீடர் என்னும் திவ்ய லீலையை அரங்கேற்றினார்.
கலி யுக அவலம்
🌼🌼🌼🌼🌼🌼🌼🌼🌼🌼
அத்வைத ஆச்சாரியர் இவ்வுலகில் தோன்றியபோது, பண்டிதர்கள் செருக்குடனும் ஞானிகள் பெருமையுடனும் பொதுமக்கள் பௌதிக இலாபங்களுக்காகவும் கிருஷ்ணரைத் தவிர்த்து தேவர்களை வழிபட்டுக் கொண்டிருந்தனர். விஷ்ணு பக்தி இல்லாமல் பௌதிக மக்கள் துன்புறுவதைக் கண்ட அத்வைத ஆச்சாரியருக்கு இதயத்தில் வலி ஏற்பட்டது. கலி யுக மக்களின் அவல நிலையைக் கண்ட அத்வைத ஆச்சாரியர் அதனை உடனடியாக போக்குவதற்காக, பரம புருஷ பகவானை இவ்வுலகில் அவதரிக்கச் செய்வதற்கான மும்முரமான ஏற்பாட்டில் இறங்கினார்.
சிறந்த முன்னோடி
🌼🌼🌼🌼🌼🌼🌼🌼🌼🌼
அத்வைத ஆச்சாரியர் அனைத்து மங்களகரமான குணங்களுக்கும் இருப்பிடமாவார். தாமரைப் போன்ற கண்களைக் கொண்டிருந்ததால், அத்வைத ஆச்சாரியருக்கு கமலகாந்தர் என மற்றொரு திருநாமமும் இருந்தது. அத்வைத ஆச்சாரியர் பக்தி, ஞானம், துறவு என அனைத்திலும் முதன்மையாகத் திகழ்ந்ததால், அவரை வேதபஞ்சனானர் என்றும் அழைத்தனர். அத்வைத ஆச்சாரியரின் அனைத்து செயல்களும் உலகின் நன்மைக்கு மட்டுமே மேற்கொள்ளப்பட்டதால் அவரை வைஷ்ணவர்கள் ஆன்மீக குருவாக ஏற்றுக் கொண்டனர். (சைதன்ய சரிதாம்ருதம் ஆதி லீலை, 6.30)
அத்வைத ஆச்சாரியர் பகவத் கீதை மற்றும் ஸ்ரீமத் பாகவதத்தை உபதேசிக்கும்போது, கிருஷ்ண பக்தியில் நம்மை ஈடுபடுத்திக்கொள்வதே சாஸ்திரத்தின் முடிவுரை என அடிக்கடி வலியுறுத்துவார். அத்வைத ஆச்சாரியர் கலி யுகத்தில் வீழ்ச்சியுற்ற ஆத்மாக்களைக் கரை சேர்ப்பதற்கும் காப்பாற்றுவதற்கும் சைதன்ய மஹாபிரபுவை இவ்வுலகிற்கு வரவழைக்க வேண்டும் என ஆழமாக விருப்பம் கொண்டிருந்தார்.
அத்வைதரின் அழைப்பு
🌼🌼🌼🌼🌼🌼🌼🌼
சாதாரண மக்களின் அழைப்பை ஏற்று பரம புருஷ பகவான் இவ்வுலகில் தோன்றுவதில்லை. அத்வைத ஆச்சாரியர் அழைத்ததன் பெயரிலேயே தான் இவ்வுலகில் தோன்றியதாக சைதன்ய மஹாபிரபு பலமுறை பக்தர்களிடம் குறிப்பிட்டுள்ளார். கிருஷ்ண பக்தி என்னும் உயர்ந்த பிரேமையை கலி யுக மக்களுக்கு இலவசமாக விநியோகிப்பதற்கு சைதன்ய மஹாபிரபுவே பொருத்தமானவர் என உறுதி கொண்டிருந்த அத்வைத ஆச்சாரியர் கடும் விரதத்தை மேற்கொண்டார்.
அதன் காரணமாக அத்வைத ஆச்சாரியர் கங்கைக் கரையோரத்தில் இருக்கும் பாப்லா என்னுமிடத்தில் கல் வடிவில் இருக்கும் சாலக்ராம விக்ரஹத்தை துளசியாலும் கங்கை நீராலும் வழிபட்டார். கிருஷ்ணரின் தாமரை திருப்பாதத்தை தியானித்து, கிருஷ்ணரின் திருநாமத்தை அத்வைத ஆச்சாரியர் கண்ணீருடன் உரக்க கர்ஜித்தபோது, அது விண்ணுலகைப் பிளந்து சென்று வைகுண்டம் வரை கேட்டது.
அத்வைத ஆச்சாரியரின் தொடர் வற்புறுத்தலால், சைதன்ய மஹாபிரபு சச்சிதேவியின் கருவிற்குள் புகுந்து தனது தெய்வீகத் தோற்றத்தை இவ்வுலகில் வெளிப்படுத்தினார். சைதன்ய மஹாபிரபுவின் தெய்வீகப் பிறப்பை அறிந்த அத்வைத ஆச்சாரியரும் ஹரிதாஸ தாகூரும் சாந்திபுரத்தில் மிகுந்த பரவசமும் உற்சாகமும் ஆனந்தமும் அடைந்தனர். இவ்வாறாக, சைதன்ய மஹாபிரபுவின் தோற்றத்திற்கு முதன்மையான காரணமாகத் திகழ்பவர் அத்வைத ஆச்சாரியர்.
திவ்ய லீலைகள்
🌼🌼🌼🌼🌼🌼🌼
கிருஷ்ணர் சைதன்ய மஹாபிரபுவாகவும், பலராமர் நித்யானந்த பிரபுவாகவும், மஹாவிஷ்ணு அத்வைத ஆச்சாரியராகவும், ஸ்ரீமதி ராதாராணி கதாதர பண்டிதராகவும், நாரதர் ஸ்ரீவாஸ தாகூராகவும் கலி யுகத்தில் தோன்றினர். மஹாவிஷ்ணுவும் சதாசிவமும் இணைந்த உருவமே அத்வைத ஆச்சாரியர்.
அத்வைத ஆச்சாரியரின் இல்லத்தில் பக்தர்கள் கிருஷ்ண கதையை கேட்பதில் மிகுந்த ஆர்வம் கொண்டிருந்தனர். கிருஷ்ணரை வழிபட வைப்பதிலும் புனித நாமத்தை உச்சரிக்க வைப்பதிலும் அவர் ஆன்மீக குருவாக (ஆச்சாரியராக) செயல்பட்டார். மேலும், அவர் மஹாவிஷ்ணுவிடமிருந்து வேறுபட்டவர் அல்ல என்பதால், அத்வைதர் என்று அறியப்பட்டார்.
அத்வைத ஆச்சாரியர் தனது பெற்றோர்களின் மறைவிற்குப் பிறகு, கயாவிற்குச் சென்று பிண்ட சடங்குகளை நிறைவேற்றி, பாரத தேசத்தின் பல்வேறு புனித ஸ்தலங்களுக்கு பயணம் மேற்கொண்டார். அப்போது விருந்தாவனத்திற்கு வருகை புரிந்த அவர், கிருஷ்ணரின் வழிபாட்டில் முழுமையாக மூழ்கி, பின்னர் மதனமோஹன விக்ரஹத்தைக் கண்டெடுத்து, மதுராவில் இருந்த சௌபே என்ற பிராமணரிடம் ஒப்படைத்தார். பின்னர், தெய்வீக ஏற்பாட்டின்படி அந்த விக்ரஹம் ஸநாதன கோஸ்வாமியின் வழிபாட்டை ஏற்றுக் கொண்டார். இந்த விக்ரஹமே கௌடீய வைஷ்ணவர்களால் இன்றும் விருந்தாவனத்தில் ஸம்பந்த விக்ரஹமாக வழிபடப்படுகிறார்.
சாந்திபுரம் பண்டிகை
🌼🌼🌼🌼🌼🌼🌼🌼
மாதவேந்திர புரியின் மற்றொரு சீடரான ஈஸ்வர புரியை சைதன்ய மஹாபிரபு தனது குருவாக ஏற்றுக் கொண்டார். சைதன்ய மஹாபிரபு சந்நியாசம் பூண்ட பிறகு, இரண்டாவது முறையாக சாந்திபுரத்திற்கு கோவிந்த துவாதசி தினத்தன்று வருகை புரிந்தார். அச்சமயத்தில் அத்வைத ஆச்சாரியர் தனது குருவான மாதவேந்திர புரியின் மறைவு தினத்தைக் கொண்டாடும் வகையில் மிகப்பெரிய விருந்திற்கு ஏற்பாடு செய்திருந்தார்.
அந்த ஏற்பாட்டைக் கண்டு அகமகிழ்ந்த சைதன்ய மஹாபிரபு, இந்த திதியில் யாரொருவர் இவ்விடத்திற்கு வருகை தந்து பிரசாதத்தை உண்கிறார்களோ, அவர்களுக்கு தூய கிருஷ்ண பக்தி கிட்டும் என வரமளித்தார். சாந்திபுர கிராமத்தின் மையப் பகுதியில் அமைந்துள்ள கோயிலில், இன்றும் இஸ்கான் இயக்கம் வருடந்தோறும் சாந்திபுரத்தின் இப்பண்டிகையை வெகு விமரிசையாகக் கொண்டாடி வருகிறது. மாதவேந்திர புரியின் மறைவு தினத்தை நினைவுகொள்ளும் வகையில் நிகழும் இப்பண்டிகை உலகப் புகழ் வாய்ந்ததாகும்.
மாதவேந்திர புரியின் மறைவு தின திதி பொதுவாக சைதன்ய மஹாபிரபுவின் அவதார தினமான கௌர பூர்ணிமாவிற்கு சற்று முன்பாக வருவதால், பல்வேறு நாடுகளிலிருந்து மாயாபுர் தாமத்திற்கு வருகை புரிந்துள்ள பக்தர்கள் பல்லாயிரக்கணக்கில் இத்திருவிழாவில் கலந்து கொள்கின்றனர். உணவு தயாரிப்பதிலும் விநியோகம் செய்வதிலும் நூற்றுக்கணக்கான பக்தர்கள் ஈடுபடுகின்றனர்.
ஒவ்வொரு வருடமும் குறைந்தது 50,000 மக்கள் இத்திருவிழாவில் பங்கெடுத்து ஆன்மீகப் பலனை அடைகின்றனர். மாதவேந்திரபுரியின் மறைவு தின திதியில் இப்பிரசாதத்தை உட்கொள்வதற்கு தேவர்களும் மானிட உடலை எடுத்து இங்கு வருகின்றனர் என்பது ஐதீகம். கடல்போன்ற பக்தர்களின் கூட்டத்தில் கிருஷ்ண பிரசாதத்தை ஏற்பது பரவசமான நிகழ்ச்சியாகும். நூற்றுக்கணக்கான மாமரங்களை கொண்ட மாந்தோப்பின் மையப் பகுதியில் அமைந்துள்ள இக்கோயில் அன்றைய தினத்தில் வைகுண்டமாக கண்களுக்கு காட்சியளிக்கும் என்றால் அது மிகையாகாது.
சாந்திபுரத்தின் முக்கிய நிகழ்வுகளில் சில
🌼🌼🌼🌼🌼🌼🌼🌼🌼🌼
சைதன்ய மஹாபிரபுவின் குருவான ஈஸ்வர புரி அத்வைத ஆச்சாரியரின் இல்லத்திற்கு வருகை புரிந்துள்ளார்.
சிரார்த்த சடங்கு முழுமை பெறுவதற்கு பொதுவாக பிராமணர்களை அழைப்பது வழக்கம். ஆயினும், பகவானின் நாமத்தை உச்சரிப்பவர் எல்லா பிராமணர்களைக் காட்டிலும் உயர்ந்தவர் என்பதை உலக மக்களுக்கு எடுத்துரைக்கும் பொருட்டு, அத்வைத ஆச்சாரியர் முதல் பிரசாதத்தை உட்கொள்வதற்கு நாமாசாரியரான ஸ்ரீல ஹரிதாஸ தாகூரை இங்கு அழைத்தார் என்பதும் குறிப்பிடத்தக்கதாகும்.
சைதன்ய மஹாபிரபு கட்வாவில் சந்நியாசம் பூண்ட பிறகு முதன்முதலில் சாந்திபுரத்திற்குதான் வருகை புரிந்தார். அப்போது அத்வைத ஆச்சாரியரின் இல்லத்தில் சைதன்ய மஹாபிரபுவும் நித்யானந்த பிரபுவும் உணவருந்தியபோது அத்வைத ஆச்சாரியர் பரவச நிலையை எய்தினார்.
முருகன் என்று அழைக்கப்படுகின்ற கார்த்திகேயன் சைதன்ய மஹாபிரபுவின் லீலையில் பங்கெடுப்பதற்காக, அத்வைத ஆச்சாரியரின் மகனாக அச்சுதானந்தர் என்ற பெயரில் தோன்றினார்.
சாந்திபுரத்தின் கருணை
🌼🌼🌼🌼🌼🌼🌼🌼
கலி யுக மக்கள் சைதன்ய மஹாபிரபுவின் கருணையைப் பெறுவதற்கு சாந்திபுர் திருத்தலம் மிகச்சிறந்த முன்னோடியாக போற்றப்படுகிறது. அத்வைத ஆச்சாரியரின் திவ்யமான லீலைகளை பௌதிக புத்தியினால் அறிந்துகொள்ள முடியாது.
சைதன்ய மஹாபிரபுவை இவ்வுலகிற்கு வரவழைத்ததும் அனுப்பி வைத்ததும் அத்வைத ஆச்சாரியரே. சாந்திபுரத்தின் மகிமையும் அத்வைத ஆச்சாரியரின் திவ்ய லீலைகளும் மிகவும் விரிவான முறையில் சைதன்ய சரிதாம்ருதம், சைதன்ய பாகவதம் மற்றும் பக்தி ரத்னாகரத்தில் கூறப்பட்டுள்ளது.
ஹரே கிருஷ்ண… மிக்க நன்றி!