( யதி ) பிரபுபாதா ந ஹைதெ தபே கி ஹைதெ

1

ஒருவேளை ஸ்ரீல பிரபுபாதா தோன்றவில்லை என்றால் என்ன நேர்ந்திருக்கும் ? எப்படி நமது வாழ்வு சென்றிருக்கும் ? ஸ்ரீநித்யானந்த பிரபு மற்றும் ஸ்ரீசைதன்ய மஹாபிரபுவின் எல்லையற்ற கருணையை யார் உலகெங்கும் வழங்கியிருப்பார் ? 

 

மேலைநாட்டில் இருக்கும் மிக மோசமான செயல்புரிவோர் , பாவம்புரிவோர் , சூன்யவாதிகள் , மாயாவாதிகள் போன்றோரை கடைத்தேற்று வதற்கு வேறு எந்த கருணை மிகுந்த நபர் முயற்சி செய்திருப்பார் ? 

 

யார் வந்து இவர்களுக்கு ஹரிநாமத்தை கற்றுக் கொடுத்திருப்பார் ? யார் வந்து இவர்களை நாகரீகமானவர்களாக மாற்ற முன் வந்திருப்பார் ? 

 

ஆரத்தி கீர்த்தனைகளுடன் இரவும் பகலும் பகவான் ஹரியின் விக்ரஹத்தை வழிபாடு செய்ய யார் கற்று கொடுத்திருப்பார் ? ரதயாத்திரை மற்றும் விமரிசையான திருவிழாக்களை நடத்த யார் கற்றுக் கொடுத்திருப்பார் ?

பகவான் மேல் தூய அன்பு செலுத்தக் கூடிய நிலை எனும் பகவத் பிரேமையின் அமிர்தசாரம் பகவத்கீதை , ஸ்ரீமத் பாகவதம் மற்றும் சைதன்ய சரிதாம்ருதம் ஆகிய சாஸ்திரங்களில் பொதிந்துள்ளது. இந்த சாஸ்திரங்களை இவ்வளவு அழகாக மற்றும் தெளிவாக யார் வந்து விளக்கியிருப்பார் ? 

 

எல்லா கஷ்டங்களையும் பொறுத்துக் கொண்டு மகிழ்ச்சியான இதயத்துடன் யார் வந்து ஹரிநாமத்தை எடுத்துக் கொடுத்திருப்பார் ? மாயாப்பூர், விருந்தாவனம், ஜெகன்னாத்புரி போன்ற புனித ஸ்தலங்களை யார் தான் நமக்கு கொடுத்திருப்பார் ?

 

ஸ்ரீசைதன்ய மஹாபிரபுவின் போதனைகள் தான் மிகவுயர்ந்த மற்றும் மங்களகரமான பொக்கிஷமாகும் . இதை பயிற்சி செய்யவும் , பிரச்சாரம் செய்யவும் யார் தான் நம்மை ஈடுபடுத்தியிருப்பார் ? 

 

ஸ்ரீஸ்ரீநித்தாய் கௌரங்கரே பகவத் ப்ரேமையின் கல்பவிருக்ஷங்கள் ஆவர் . அவர்களின் கருணைத் துளியை வேண்டி ஜெயபதாகரின் இதயம், இடைவிடாது தங்களிடம் ( ஸ்ரீலபிரபுபாதாவிடம் ) அடைக்கலம் கொள்கின்றது.